文章

銅鑼灣嘅公共舞台

上回提到，唔少舞團都會嚟到銅鑼灣取景，鐘意呢到五光十色，氣氛輕鬆。其實除咗記利佐治街，舞者們都會去百德新街行人專用區、銅鑼灣嘅維園入口一帶空地練舞、交流。鵝嘗試「考古」，喺社交網站搵到最早喺銅鑼灣拍 Kpop Cover 嘅片喺 2017 年，一個帳戶名為 jeonsann 嘅舞者上載咗佢喺百德新街拍攝嘅作品。鵝有理由相信，就係咁一傳十十傳百，慢慢銅鑼灣就變成 Kpop 跳舞嘅拍片勝地！

2025年10月25日

鵝都有個舞台夢

上星期日黃昏之後，鵝沿怡和街行去記利佐治街，耳邊傳來節奏好強勁既音樂 ── take your shot Photoshoot～Pop pop pop ～鵝忍唔住跟節奏郁，仔細聽，係鵝聽唔明嘅韓文歌！ (´◉⊖◉`) 原來又有舞團喺銅鑼灣鬧市跳街舞拍MV啦，鵝餓住肚都要湊熱鬧睇咗陣。佢哋喺舊年年底新成立嘅本地舞團DIVA ，一行5人，播住韓團Allday Project嘅曲目Wicked，跳起節拍強勁嘅Kpop。同其他舞團一樣，佢哋平日不定時會係香港街頭跳Kpop，同時邀請攝影師幫忙拍攝，之後剪輯成音樂短片放上網。舞團團長Venus話，世界各地翻唱Kpop嘅舞團，會喺各自嘅社區搵一個具有代表性嘅位置，可以喺街道、廣場或者其他公共空場，慢慢聚集越來越多本地舞團去拍片。佢覺得，香港嘅話就係銅鑼灣。 ε=ε=(っ*･⊖･)っ鵝唔識跳舞，但鐘意欣賞表演，有時間就會喺街頭湊吓熱鬧，而鵝早幾個月認識咗同樣活躍於銅鑼灣街頭嘅另一隊舞團 ── Ace of Special (ASP3C) 。佢哋一行5人，表演當晚著住自製嘅波衫，成身閃令令，企喺行人專用區到

2025年10月25日

捉緊夏天嘅香氣

今日，食完個靚tea，鵝發現屋企樓下新開咗間香水店呀！ (❁´ ◡ `❁) 人類助手教鵝，香水有分花香調、果香調、木質調、茶香調等等，每個人、每隻鵝都應該會有自己鍾意嘅味道⋯⋯ 鵝特別喜歡銅鑼灣飄住新鮮出爐嘅麵包香，同埋每逢落完雨，維園都會充滿泥土同青苔嘅清香。一於去店內聞聞，睇吓有冇鵝心儀嘅香味先～

2025年10月25日

蝸牛迷城

雨後黃昏時間，鵝喺維園散步，行到網球場附近，一腳向前踏，落地之際！見到有隻非洲大蝸牛係地下爬緊，好彩身手敏捷，收得切腳，嚇死鵝！蝸牛怕水浸，所以落雨時會喺泥濘中爬出嚟透氣。非洲大蝸牛係外來入侵物種，小生命毫不起眼，深褐色嘅膚色保護佢哋免被看見，加上行得慢，成日畀冇眼嘅腳板一腳輾斃～ ∠( ᐛ 」∠)_ 鵝友以後落雨走在有草叢嘅路上要小心睇路呢～唔好將蝸牛踩死，而且非洲大蝸牛可能帶有病菌，避免觸碰啊！

2025年10月25日

保良局入面嘅花園

喺七月尾，鵝同鵝友去咗保良局歷史博物館，一踏入保良局範圍就見到保良花園。鍾意逛公園嘅鵝，心思思想知道多啲呢到嘅事。保良花園位於行車牌樓斜坡嘅左邊，係留局兒童嘅休憩空間，平時唔對外開放㗎～ ٩( ᐛ )و ♡ 睇返1960年代末、1970年代初嘅保良花園及遊樂場舊照，當時嘅遊樂場，喺光禿禿嘅水泥地上，設有立方體馬騮架、蹺蹺板、滑梯、鞦韆、氹氹轉。樣樣都好好玩咁！尤其係條滑梯，睇相都覺得幾高同埋斜。鵝睇到心心眼，因為喺上面瀡落嚟，實好刺激——不過而家就換咗啲安全嘅遊具，兼加返地墊喇。 (● ˃̶͈̀ロ˂̶͈́)੭ꠥ⁾⁾ 另外，一開頭嘅保良局平面圖，標記咗門內近圍牆嘅一列樹，真係寫住「樹樹樹樹」！時日過去，得返兩棵大榕樹留喺原地。數數鵝趾，佢哋超過90歲喇～鵝今次有幸參觀保良花園，都特別有去摸摸佢哋呢。除咗花園，鵝當日仲同鵝友參觀咗中座大樓入面嘅展廳，了解咗當年留局婦孺嘅生活。好多謝文物博物館特別安排，等鵝睇返好多保良局嘅舊相同舊文件，例如有工程圖則、《領婚領育簿》、《口供簿》、同華民政務司嘅往來書信等，非常豐富。鵝遲時會寫文介紹吓多啲保良局故事

2025年10月25日

WEEDsilience 的三位鵝友

鵝早排跟住鵝友 WEEDsilience 調查小組喺銅鑼灣做野草調查。雖然佢哋三個都姓王，又鍾意植物，但佢哋之間係冇血緣關係㗎！再講性情都唔同，各有所長～ ദ്ദി (⩌ᴗ⩌ ) / 王曉欣（Ivy）同王顥霖（Homan）都係「WEEDsilience」同「Pi Lab Limited」創辦人。點解佢哋一路拍住上呢？不得不提，係同佢哋個名都有啲關連㗎喎。Homan同Ivy係大學同學，咁啱佢哋個名嘅縮寫分別係WHL同WHY，所以讀書期間被編排做lab mates，自此熟絡。 Ivy喺香港中文大學環境科學系一級榮譽畢業，之後曾經擔任植物標本館科研統籌，係《香港原生植物圖鑑》系列嘅作者（喺鵝屋企打書釘都有得睇㗎！），當時嘅工作包括科學繪圖、花粉研究等。目前，佢專注於研究自發植物、生態設計，亦從事標本製作同教育。喺做調查嘅過程中，Ivy係帶路嘅GPS，又會拍低發現野草嘅周圍環境。同時，佢都係團隊入面嘅溝通橋樑，例如考察前細心地get到Homan同Mercury講嘅等候地點有出入，避免大家擺烏龍。 Homan係香港大學環境管理理學碩士，而家主力記錄同研

2025年10月25日

鵝的野草鄰居

上回提到，企鵝跟隨WEEDsilience調查小組成員王曉欣（Ivy）、王顥霖（Homan）和王韶昀（Mercury），進行銅鑼灣的野草調查。第一段路，由東角起行，走到鵝頸再折返。行了大概一公里，記錄的物種數量不超過30種。鵝原以為已經不算少，想想看，路上也沒有20多種樹，...

2025年8月23日

野草調查初體驗

六月一個翳焗的週末，企鵝約了WEEDsilience的調查小組成員王曉欣（Ivy）、王顥霖（Homan）和王韶昀（Mercury）逛銅鑼灣，尋訪野草。早上九點半準時集合，三人有默契地穿著卡其、灰綠等大地色系的中短袖上衣加長褲，各自揹個大背囊。鵝就依然故鵝，雪白肚腩配牛仔披風，帶了一顆好奇心。老手跟初哥，相映成趣。鵝喜歡植物，卻從未試過做野草調查—— 調查是怎樣做的？又有哪些野草棲息在銅鑼灣？他們整裝待發，對一對手機時鐘，隨即宣佈：第一條路線起行。等等，何時訂好了「路線」？怎樣決定出來？鵝很困惑。「跟住人流行就啱！」Homan不加思索，爽朗地答。他解釋，WEEDsilience記錄在十八區出現的野草，籌劃建立一個香港城市野草的資料庫，以了解何謂「香港常見的野草」，不同種類的野草又適合在怎樣的環境生長。他們想知道，哪些物種的野草強韌、美觀而又具生態價值，進一步探索在都市園境設計納入野草的可能性。他們的研究方法與平常的生態調查不同，沒有嚴謹地界定範圍和路線，隨心而發。目的是以更貼近一般市民的角度，記錄大家日常生活中，在街上通勤、放學、買菜或娛

2025年8月15日