鵝掌玩轉滾軸溜冰

鵝嘅腳掌抓冰一流，完全唔跣腳，所以想溜冰？就用肚腩啦！

鵝收到風，維園近清風街有個滾軸溜冰場，食飽飽，頂住個大肚腩，照版煮碗•••••點知，石屎地完全唔夠跣啊～

玩唔到，唯有睇人哋溜冰。呢度嘅滾軸溜冰場有A 同 B 場之分，有咩分別？

◟(∗ ˊωˋ ∗)◞

踩緊 Roller 嘅鵝友話，A 場係全港最大嘅室外滾軸溜冰場，有成 1080 平方米。而且較為平整，地下仲畫左兩組圓形圖案，同埋有花式繞樁、速度過樁嘅定點位。所以呢度係少數會用嚟舉行正式比賽嘅場地，港隊都喺度訓練㗎！隔離圓形嘅B 場就比較細，只有150平方米，多數都係用嚟熱身。

◝(　ﾟ∀ ﾟ )◟ ⁾