​文章

前幾日夏至，鵝睇完日落之後，沿住海旁往天后方向繼續行。行行吓，見到一座被鐵欄同綠色植物包圍嘅方形小屋，上面掛住塊閃令令嘅牌：「銅鑼灣食水賣水站」。 後生嘅鵝友可能會問：「食水賣水站？打開水龍頭就有水啦，點解仲要用『賣』嘅？」呢座由水務署設置嘅屋仔，多年嚟一直默默背負住重任，專門為海上面嘅船隻提供清涼嘅生活食水。 全港一共有七個食水售賣站，分布喺銅鑼灣、西灣河、西區、筲箕灣、荔枝角、油麻地、同屯門。七個賣水站入面，以銅鑼灣食水售賣站嘅歷史最悠久，喺1965年就啟用喇。以前買水嘅手續比較複雜，漁民同艇戶需要先到水務署嘅客戶諮詢中心，或者海事分處購買實體水票，然後先可以去岸邊嘅「食水售賣站」換取食水。依家除咗可以預先買「水票」，仲可以直接喺賣水站「嗶」八達通畀錢，即買即拎，方便好多呢！ (* ´ㅁ`*) 講返歷史，上世紀六、七十年代嘅避風塘，住滿晒「住家艇」嘅水上人。以前喺艇上煮飯、沖涼都要用淡水，淡水對佢哋嚟講係彌足珍貴，所以當時水上人會將買淡水叫做「上水」。因為咁，嗰陣仲衍生出「水艇」呢個行業，好似海上流動便利店咁，先喺岸邊買水，再去各家各戶艇邊跳

上回講到，本鵝最鍾意搶佔中央圖書館入面嘅「海景位」，可以一邊睇書，一邊望住個維港海景。由鵝屋企出發行 10 分鐘，遠遠就見到呢座巨型建築。淡黃麻石嘅外牆、拱形入口、仿希臘柱式同文藝復興式嘅窗戶。如果唔係一早知佢係圖書館，鵝仲以為自己去咗邊座仿古典神殿！自 2001 年起，佢已經成為銅鑼灣嘅日常風景，但鵝要話畀大家聽，中央圖書館當年其實係一座「話題建築」，曾經掀起過一場全城熱議，爭議之大令各大媒體都連日報道呢場風波！ 天圓地方嘅「知識殿堂」 鵝翻查現已解散嘅市政局文件，發現港英政府年代，市政局立志將香港打造成「知識型城市」，矗立喺銅鑼灣黃金地段嘅中央圖書館，就係將呢份宏大願景「實體化」嘅座標。佢唔單止係市民借書閱讀嘅公共空間，更加係整座城市文化同知識嘅象徵。 為咗打造呢座地標，市政局委派建築署資深建築師何超凡坐鎮。佢嘅設計藍圖揉合咗圓形、正方形同三角形，試圖以幾何線條勾勒出「天圓地方」嘅東方哲學。同時，為咗凸顯公共圖書館作為「知識殿堂」嘅傳統形象，採用咗強烈嘅中軸線、對稱構圖同誇張嘅高台階，仲大膽將古典羅馬風格同現代玻璃幕牆拼湊埋一齊。呢種將唔同時

步入中央圖書館，最吸引鵝嘅就係迎面嗰塊大玻璃幕牆，採光極好。 鵝友們都好鍾意館內安靜嘅氛圍，同出面車水馬龍嘅高士威道形成強烈對比。館內唔准大聲講嘢同進食，喺安靜到連揭書聲都聽得到嘅環境下，大家特別投入，集中力瞬間提升，可以好好溫書寫作。加上冷氣充足，大熱天時一入去簡直暑氣全消，真係好舒服呢～ 聽鵝友講，佢細個好著迷於中庭嗰部透明景觀電梯，會特登由最高層坐到落最低層「遊𨋢河」，睇住各層人類喺度埋頭苦幹，感覺好有趣。呢種景觀電梯通常喺大型商場、五星級酒店或者高級寫字樓先見到，採用流線型嘅半圓玻璃設計，底部襯托住白色圓弧基座，有別於傳統電梯嗰種方方正正、又封閉又壓抑嘅感覺。 (・∀・＊) 鵝友的童年回憶 對好多人類嚟講，公共圖書館裝載咗唔少童年回憶。鵝友笑住同鵝講：「細個嗰陣，爸爸最鍾意將我哋兩姊妹『寄放』喺館入面，自己去忙公事。一放就係四、五個鐘。有時坐到悶，我哋會將啲書疊高築牆，甚至玩起捉迷藏。不過中央圖書館實在太巨型，我哋會自訂規矩：唔准匿埋喺某啲特定區域，驚會喺書海入面行散咗，或者被陌生人捉走。」 另一位鵝友分享，佢細個印象最深嘅係二樓兒

今屆中學文憑試（DSE）圓滿結束，鵝終於可以大搖大擺行入去香港中央圖書館，搶佔傳說中嘅「海景位」喇！事關，呢座位於高士威道 66 號嘅香港中央圖書館，喺學界地位極高，係「溫書界」嘅 S （Super）Tier 頂級聖地。喺 DSE 或者大學考試嘅「溫書旺季」，自修室經常人滿為患，考生們都要提前申請入座證先可以優先分配座位。至於唔係考生嘅鵝，就要等到考完試先可以入去喇。 (･´з`･) 館內樓高 11 層，空間感足而且光線充足，比起某啲侷促嘅地區圖書館，絕對係五星級嘅閱讀享受。經鵝一番明查暗訪，中央圖書館嘅自修室座位主要分布喺六樓、八樓同九樓。當中最令考生同鵝神往嘅，莫過於八樓同九樓嘅靠窗位置。呢度嘅座位正對住維多利亞公園，溫書溫到攰，抬頭望吓窗外，映入眼簾嘅係一片綠意盎然；望遠啲，仲可以見到維港海景，嗰種疲勞感真係瞬間消失晒。 「隔空交友」的故事 聽講，喺學生嘅世界入面，自修室曾經被戲稱為「學界蘭桂坊」！甚至仲有網絡小說以此為題，寫咗個愛情故事添。鵝友都忍唔住同鵝分享，喺佢嘅青春時代，去「中央」溫書其實係熱門嘅拍拖活動：「學生時代預算有限，想搵

唔知大家有幾耐冇行過文具鋪呢？ 等鵝即刻考下鵝友們，知唔知相入面嘅文具係咩嚟先？（答案喺文章最尾！） (˶ˊꇴˋو(و ⁾⁾ 係咪好熟口面呢？唔知咁多位鵝友有冇曾經用過呢？呢啲其實係香港嘅舊式文具，通常要去傳統文具鋪先會搵到。 銅鑼灣街坊都知道嘅文具鋪，一定有禮頓道嘅大志文具呢個名。大志雖然無華生咁長歷史，但自 1996 年已係銅鑼灣開業，至今已經 30 年啦！ 經歷過兩次搬舖，不過一直都開喺學校附近，所以放學時間鋪頭迫滿買文具嘅同學仔。 同香港唔少店鋪一樣，大志都面對租金壓力s，老闆娘之一嘅 Candy So 話，三年前業主要求大幅加租，嗰陣時已經諗住執笠唔撈！點知真係咁啱得咁橋，禮信大廈有位業主肯平租畀佢哋，Candy 姐同拍檔又繼續做落去啦。 鵝覺得舊式文具鋪都真係幾好行㗎，每次都好似尋寶咁。雖然無精品、公仔，但文具款式古靈精怪，多到你想像唔到，總有一款啱你心水。 下次如果有時間，不如去下你身邊嘅舊式文具鋪～行一個圈，可能會搵到心頭好呢～ (◍´͈ ᵕ `͈ ◍) 登登登登～！開估啦！� 圖2：塗改液 圖3：漿糊仔 圖4：中華牌鉛筆 圖5：

自從鵝友去年介紹了印度遊樂會給企鵝後，鵝才發現，原來銅鑼灣一帶有非常多的球會，部分與木球有關。不過好多時同鵝友去這些會所，主題都是食、食、食，多於運動！鵝雖然不做運動，亦沒有打木球的朋友，但鵝好想知道為什麼銅鑼灣會有幾個跟木球有關的球會呢？例如由銅鑼灣禮頓道進入跑馬地黃泥涌道的話，大家一定會見到一個著名地標，就是俗稱「三C會」的紀利華木球會（Craigengower Cricket Club）。 但無論你在電車路上走，還是坐巴士經過體育道時，鳥瞰木球會內的草地，你會發現好多人在玩草地滾球而不是木球，為什麼會這樣呢？還有「紀利華」到底是人還是什麼東西？今次鵝遇上一位小時候常出入「三C會」的朋友，為鵝一解謎團。 由般含道落戶黃泥涌道的「三C會」 木球在香港開埠之初至二十世紀初時，主要是本地洋人、土生葡人及印度族群熱愛的運動，華人球員寥寥無幾。而「三C會」是香港第二古老的木球會，於 1894 年由維多利亞英文學校（Victoria English School）校長布雷活（William Drew Braidwood）成立，並在校內大力推動這項運動，深

秋末晚上，鵝飯後在維園看樹，思考鵝生。走呀走，走到籃球場附近，鵝驚見一個開了洞的白色圓桶，掛在一棵木棉樹上！那是甚麼？為何在樹上出現？好奇心爆棚的鵝，馬上查找資料，原來那是香港大學生物科學學院的博士後研究員 Dr Astrid Andersson 為了保育小葵花鳳頭鸚鵡（下稱小葵）而設置的人工巢箱。改良和安裝巢箱的工作，則由城市動物棲息地設計師兼攀樹師黃嘉漢（Harry）包辦。 相信讀者都知道，鵝是街坊小葵的粉絲。機會來了！鵝決定衝出銅鑼灣，前往香港大學，訪問小葵專家 Dr Andersson，深入認識親愛的鳥鄰居。 當全世界野外只剩約2,000隻 考察當天，晴朗少雲，校園內人來人往。鵝跟 Harry 在港鐵 A1 出口會合後，一同乘電梯到黃克競樓跟嘉道理生物科學大樓之間的行人通道。Dr Andersson 隨性地靠著通道的欄杆，朝鵝招招手，讓鵝像她一樣伸長軀幹，抬頭看看裝在山坡一棵石栗上的白色巢箱。 鵝努力踮起鵝掌，往上定晴看。有隻雪白小葵頂著淡黃冠羽，在巢箱頂忙著咬樹枝！不知道是否注意到兩人一鵝的視線，小葵不時停一停，想一想，復又咬不

保良局你會想起誰 如果要數銅鑼灣有什麼地標，那一定少不了保良局。綠色瓦頂的牌坊，還有大樓的圓拱頂和旗桿，在商廈林立的禮頓道上成了搶眼的建築物。好多好似鵝一樣的年輕人，一聽到保良局，通常會想起是辦學團體；老戲迷就會記得 2003 年電影《忘不了》中，當時的小演員原島大地在保良局門口大放「催淚彈」，被沒有血緣關係的媽媽張栢芝遺棄。上一輩會想起七十年代的「香港小姐」冠軍張瑪莉，曾是被保良局收養的孤兒。沒錯，保良局最初其實是一間孤兒院。 早前鵝有幸參觀這所建於 1932 年，現被評為一級歷史建築的保良局中座大樓，當中的保良局歷史博物館是對外開放的部份，展示了局方 1878 年成立以來「保赤安良」的使命。而鵝和眾多參觀者一樣，都被局內幾乎每一幅牆壁上鑲嵌的歷任總理磁磚相所震撼到！ 被遺忘的大慈善家祖霎 鵝注意到其中一端的走廊上，有一幅特大的人像相，相中人的長相不像是華人，而牆上的碑文也刻有其中文名字 ── 祖霎。雖然並不是現在常用的「若瑟」，但這分明就是洋人名 Joseph 的譯音吧。鵝在細讀牆上的碑文後，發現他原來是早期保良局的重要捐助者之一。然

鵝有時陪人類助手食晏，行經禮頓山一帶，都會見到一幢畀大廈包圍住嘅特別建築物，靜靜地座落喺禮頓里嘅盡頭。 呢幢唔太起眼嘅建築物，外形似一間屋仔，有尖頂，主要以淺啡色同白色為主，門口仲泊咗好多黃色嘅學校小巴添！望一望，發現係香港靈糧堂，結合幼稚園同教會，一共三層。根據《香港摩登》，原來香港靈糧堂係甘洺（Eric Cumine）喺1957年為基督教靈糧世界佈道會設計嘅作品。1959年完工時，甘洺間辦公室仲喺一街之隔、當時全港最高嘅蟾宮大廈添呀！鵝想像，眼見自己一手設計嘅建築慢慢起好，一定好有滿足感。 雖然呢幢建築物好似冇佢其他作品，例如海港城、北角邨、邵氏影城行政大樓等等，咁受關注，但喺銅鑼灣始終感覺親切啲嘛～ ♫꒰･◡･๑꒱ 鵝知道，呢間靈糧堂每逢周末都會有祟拜，公眾亦可以入去。 遲啲等鵝又去參觀下先～

上回提到，唔少舞團都會嚟到銅鑼灣取景，鐘意呢到五光十色，氣氛輕鬆。其實除咗記利佐治街，舞者們都會去百德新街行人專用區、銅鑼灣嘅維園入口一帶空地練舞、交流。 鵝嘗試「考古」，喺社交網站搵到最早喺銅鑼灣拍 Kpop Cover 嘅片喺 2017 年，一個帳戶名為 jeonsann 嘅舞者上載咗佢喺百德新街拍攝嘅作品。 鵝有理由相信，就係咁一傳十十傳百，慢慢銅鑼灣就變成 Kpop 跳舞嘅拍片勝地！

上星期日黃昏之後，鵝沿怡和街行去記利佐治街，耳邊傳來節奏好強勁既音樂 ── take your shot Photoshoot～Pop pop pop ～鵝忍唔住跟節奏郁，仔細聽，係鵝聽唔明嘅韓文歌！ (´◉⊖◉`) 原來又有舞團喺銅鑼灣鬧市跳街舞拍MV啦，鵝餓住肚都要湊熱鬧睇咗陣。佢哋喺舊年年底新成立嘅本地舞團DIVA ，一行5人，播住韓團Allday Project嘅曲目Wicked，跳起節拍強勁嘅Kpop。同其他舞團一樣，佢哋平日不定時會係香港街頭跳Kpop，同時邀請攝影師幫忙拍攝，之後剪輯成音樂短片放上網。 舞團團長Venus話，世界各地翻唱Kpop嘅舞團，會喺各自嘅社區搵一個具有代表性嘅位置，可以喺街道、廣場或者其他公共空場，慢慢聚集越來越多本地舞團去拍片。佢覺得，香港嘅話就係銅鑼灣。 ε=ε=(っ*･⊖･)っ 鵝唔識跳舞，但鐘意欣賞表演，有時間就會喺街頭湊吓熱鬧，而鵝早幾個月認識咗同樣活躍於銅鑼灣街頭嘅另一隊舞團 ── Ace of Special (ASP3C) 。佢哋一行5人，表演當晚著住自製嘅波衫，成身閃令令，企喺行人專用區到

喺七月尾，鵝同鵝友去咗保良局歷史博物館，一踏入保良局範圍就見到保良花園。鍾意逛公園嘅鵝，心思思想知道多啲呢到嘅事。 保良花園位於行車牌樓斜坡嘅左邊，係留局兒童嘅休憩空間，平時唔對外開放㗎～ ٩( ᐛ )و ♡ 睇返1960年代末、1970年代初嘅保良花園及遊樂場舊照，當時嘅遊樂場，喺光禿禿嘅水泥地上，設有立方體馬騮架、蹺蹺板、滑梯、鞦韆、氹氹轉。樣樣都好好玩咁！ 尤其係條滑梯，睇相都覺得幾高同埋斜。鵝睇到心心眼，因為喺上面瀡落嚟，實好刺激——不過而家就換咗啲安全嘅遊具，兼加返地墊喇。 (● ˃̶͈̀ロ˂̶͈́)੭ꠥ⁾⁾ 另外，一開頭嘅保良局平面圖，標記咗門內近圍牆嘅一列樹，真係寫住「樹樹樹樹」！時日過去，得返兩棵大榕樹留喺原地。數數鵝趾，佢哋超過90歲喇～鵝今次有幸參觀保良花園，都特別有去摸摸佢哋呢。 除咗花園，鵝當日仲同鵝友參觀咗中座大樓入面嘅展廳，了解咗當年留局婦孺嘅生活。好多謝文物博物館特別安排，等鵝睇返好多保良局嘅舊相同舊文件，例如有工程圖則、《領婚領育簿》、《口供簿》、同華民政務司嘅往來書信等，非常豐富。鵝遲時會寫文介紹吓多啲保良局故事

8月1日開始，係一連七日嘅「國際母乳哺育周」，鵝由細到大都係食魚，食母乳就唔關鵝事啦，不過見人類助手咁熱心，邀請鵝一齊查探銅鑼灣嘅母乳友善場所，就一於出發！ 鵝跟住香港大學李嘉誠醫學院護理學院研發嘅「母乳GPS」應用程式，去搵銅鑼灣嘅母乳餵哺設施，數數手指，銅鑼灣有成 20...

鵝上次喺世貿中心「維港空中花園」影咗幾張相，翻睇相片時，覺得畫面似曾相識。原來呢個位置影出去，就正正係一張攝於 1972 年 2 月，喺政府檔案處搵到嘅銅鑼灣舊照片，不過當時紅磡海底隧道仍然未通車，亦無咁多建築物，一望無際～...

人類助手有日心情麻麻，鵝捉佢哋去吹海風、散下心，一行人就由鵝屋企沿住海邊方向走，去到世貿中心準備過去避風塘之際，突然見到寫住「維港空中花園」嘅告示牌，仲喺商場入面？！ ㅇㅅㅇ 鵝決定一探究竟，坐電梯去到 5 樓嘅空中花園，見到一個開放畀公眾同動物嘅空間，呢個空間正面面向維港...

午飯過後，鵝恰眼訓⋯⋯不過望一望自己個肚腩，嗯⋯⋯都係出去行返個轉先。又熱又曬，由屋企散步到紅隧入口處休憩花園，就嚟中暑之際，嘩！正啊，搵到遮蔭位。 (≖ᴗ≖๑) 嗡嗡⋯⋯嗡嗡⋯⋯耳邊傳嚟摩打運轉時嘅聲音，幾架色彩繽紛嘅模型車係跑道上風馳電掣，頭搖又尾擺，轉彎俐落、直路加速...

鵝有日散步時，望見銅鑼灣利園山道嘅唐樓群，諗起鵝友兼城市速寫人Ben以前畫過嘅香港唐樓，佢仲話好似「結婚蛋糕」呢～鵝即刻舔舔脷，咩都唔想理，淨係想三點三去食蛋糕～ (╥﹏╥) 其實Ben講嘅係舊式唐樓其中一個特色，即係愈近頂部嘅位置就愈尖，俯視嘅時候就好似啲結婚蛋糕一樣，一...

有追看鵝文嘅就知道，鵝友兼平面設計師 Forrest，最近設計咗《銅鑼灣字型散步》小誌，初稿後面世後三個月再出修訂版，希望作品盡善盡美。「我覺得好好玩，就係紙嘅選材、釘裝方法，然後加上字體、設計，然後手感、包裝……可以釋放我嘅自由，因為主題可以自己控制」。 (・∀・)...

鵝最近行嚟行去，苦惱緊應該同鵝友分享銅鑼灣趣事～抬頭望，林林種種嘅字牌映入眼簾，鵝即刻打電話問功課，打左畀鵝友兼設計師Forrest Lau。佢一接到電話，就同鵝講個好消息：原來《銅鑼灣字型散步》小誌增訂版面世啦！ 入面分別有一份地圖、一份解說，涵蓋 72...

鵝散步時一向鐘意眈天望地，行到勿地臣街時，突然見到唐樓外牆有字牌「港九煙草業職工總會」，字型幾特別喎！等鵝去查個究竟～ (๑´ڡ`๑) 經過鵝四圍打聽，喺鵝友兼平面及小誌設計師劉志威嘅報料下，估計呢個字牌嘅字型係方正姚體。翻查資料，方正姚體由刻字工人姚志良創作，以宋體為基礎...