在空中的這一秒

人類助手有日心情麻麻，鵝捉佢哋去吹海風、散下心，一行人就由鵝屋企沿住海邊方向走，去到世貿中心準備過去避風塘之際，突然見到寫住「維港空中花園」嘅告示牌，仲喺商場入面？！

ㅇㅅㅇ

鵝決定一探究竟，坐電梯去到 5 樓嘅空中花園，見到一個開放畀公眾同動物嘅空間，呢個空間正面面向維港，前方係紅磡海底隧道入口、避風塘同埋遊艇會，景觀開揚，向左望可以見到上環，右邊就望到北角一帶，拎起望遠鏡，仲見到九龍對岸嘅建築物添～

(・∀・)

鵝同人類助手一齊坐低，聽住車水馬龍嘅告士打道嘅車聲，感受微風吹送，安靜咗半個鐘⋯⋯個肚咕咕作響，弊！肚餓，係時候走啦。

下次再嚟過，搵個位坐～

#企鵝散步見聞