​文章

大熱天時，穿梭喺銅鑼灣嘅高樓大廈之間，鵝感覺就快要被高溫同熱浪融化。 (´;;◉;⊖;◉;;｀) 好彩喺呢座石屎森林嘅街角同商廈罅隙之間，收埋咗唔少「#口袋公園」（Pocket Parks）！呢啲公園仔雖然細細個，勝在「總有一個喺左近」。無論行到攰想坐吓、搵地方坐低食個快Lunch、同朋友吹吓水，定係純粹過嚟望吓樹、發呆放空一下，佢哋都示範咗公園最直接嘅使命：只要你有需要，歡迎隨時入嚟坐！ 今次鵝化身「口袋公園特派測試員」，帶大家實測呢啲隱藏喺鬧市中嘅綠色拼圖啦～～

B for …… Bowrington Bridge! 講起鵝頸橋，大家係咪會諗起堅拿道天橋？但原來此橋非彼橋也！話說早喺開埠前，由黃泥涌峽流入大海嘅水流又長又窄，仲彎彎曲曲好似隻鵝頸咁，所以黃泥涌嘅村民叫佢做「鵝澗」。1850 年代，利園山同摩利臣山嘅交界仲係一片低窪地，每逢大雨都會水浸，變做泥沼。所以時任港督寶靈就填高兩座山之間、黃泥涌村前嘅地，修建咗條運河。 因為唔係個個村民都好似鵝咁，入水能游、出水能散步，於是又起咗條木板橋供人過河，即係第一代鵝頸橋！後來為咗配合 1920 年代嘅填海工程，運河改建做暗渠，鵝澗同鵝頸橋從此埋喺地底。而家嘅堅拿道天橋一帶，仍然沿用鵝頸橋呢個名，鵝都覺得好親切呢。 (•̀ω•́)⸝ ʕᦏ 今時今日，鵝頸橋已經係馳名海外嘅「打小人」勝地。每當喺電車上聽到此起彼落嘅「啪啪」聲，加聞到好勁嘅燒香味，鵝就知道自己返到銅鑼灣喇～ ✃┄┄✁┄┄✃┄┄✁┄┄✃ 銅鑼灣 A-Z ✃┄┄✁┄┄✃┄┄✁┄┄✃ 受英國具代表性嘅街道地圖集《Geographers' A–Z Street Atlas》（利用 A 到 Z...

「陪鵝講 陪鵝親身正視眼淚誰跌得多～ Shall we talk ♪ 」 鵝最近去咗一個叫《不快樂的心聲告白》嘅展覽，佢由藝術心理治療機構 Not a Gallery 主辦。展覽巧妙結合咗情感共鳴同心理知識，為呢個高壓城市提供咗一個溫柔嘅舒緩出口。 展覽嘅核心在於真實嘅心聲卡，文字雖然簡單，卻真切呈現咗學生嘅成長迷惘同埋大人面對生活嘅壓力。鵝喺閱讀大家心聲嘅過程之中，獲得「原來自己唔係孤單一個」嘅慰藉。 另外，鵝覺得展覽並冇止步於情緒宣洩，仲有透過「情緒守護隊」介紹大腦神經系統，將情緒去污名化；配合「情緒角色」測驗同情緒指南，提供切實可行嘅自我照顧工具。展覽延伸推出嘅溝通遊戲卡，將呢份對話由展場帶返日常。 整體嚟講，展覽成功打破心理健康嘅嚴肅門檻，溫柔地提醒每一位觀者：允許自己唔快樂，先至係走向內心平靜嘅起點。嘎！ 展覽資訊： 日期：即日至 8 月 30 日 地點：LOG-ON ToGather @ 銅鑼灣 Fashion Walk @notagallery.studio

A for …… Apple Store! ✃┄┄✁┄┄✃┄┄✁┄┄✃ 銅鑼灣 A-Z 受英國具代表性嘅街道地圖集《Geographers' A–Z Street Atlas》（利用 A 到 Z 排序索引，讓人在幾秒之內精準查出任何街道網格）以及日本「半農半 X」倡導者鹽見直紀嘅「A to Z」社區觀察法啟發，鵝今次以 26 個英文字母為索引，由 A 到 Z 逐一拆解，帶住一班「鵝友」全方位探索銅鑼灣呢個集摩天商場、歷史古蹟與綠意自然於一身嘅社區！

上次鵝出動去搵邊度有水斟，見到地圖上標記住鵝頸街市天台有免費水機～ 鵝一入到街市，發現入面完全無任何標示，又無升降機可以直達天台，搞到鵝喺街市南北座條天橋度行來行去，兜咗幾百個圈。最後憑住鵝嘅直覺（其實係誤打誤撞），終於俾鵝搵到條神秘後樓梯，成功上到天台！ 為了防止大家步鵝後塵，請 mark 底呢條捷徑：喺北座搭扶手電梯上一樓，左轉推開道防煙門，再行多一層樓梯就到天台喇！ (●･̆-･̆●) 一推開木門，哇！原來街市天台別有洞天！係一個被密密麻麻高樓大厦圍住、1500 平方米嘅「粉紅色半戶外公共空間」。場內有幾張戶外餐枱、幾隻比小朋友玩嘅搖搖馬，仲有四張好有年代感嘅水泥乒乓波枱。 鵝好奇想知，點解鵝頸街市天台會設有遊樂場呢？ 原來呢個設計源於1960 年代，當時香港好多基層家庭嘅生活空間又細又逼，小朋友無乜玩樂嘅地方。政府為咗方便街市嘅小販可以一邊開工、一邊照顧仔女，同時為區內小朋友提供安全嘅玩樂空間。1965 年落成嘅舊灣仔街市，就係香港首創第一個「天台兒童遊樂場」，然後好多區嘅街市都跟住咁樣設計。鵝頸街市喺 1979 年 12...

見到 #MECCHA CHAMELEON 喺全球爆紅，本鵝都要加入呢個變色熱潮！ (๑•̀ㅂ•́)و✧ 鵝親手畫咗六隻「隱形企鵝」，依家已經靜雞雞匿埋咗喺銅鑼灣嘅唔同角落。各位鵝友，係時候考驗你哋嘅金睛火眼喇！🔍 你哋發掘到幾多隻？提提你：如果揾到隱形企鵝，帶返屋企之前，記得 DM 話返畀鵝知啊！ 數量有限，手快有手慢冇～快啲出發啦！🐧

有追開企鵝行蹤的朋友大概都知，鵝食飽飯冇嘢做時，最喜歡到掃桿埔散步。那邊不但綠樹成蔭，還有不同族裔在香港歷史上留下的重要足印。讀者應該仍記得，以前鵝曾介紹印度遊樂會和善樂施大廈。今回，鵝路過東院道上的官立嘉道理爵士小學，更進一步了解開埠以來在香港落地生根的印度裔社群，是如何教育下一代的。 來到東院道9號的官立嘉道理爵士小學面前，鵝就立刻被門前那兩條對稱的樓梯吸引，每次路過只要沒有阻礙學生上下課時，鵝也會忍不住去打卡，因為實在樸素得來太漂亮了！而這所學校本身，可說是全港第一所把北印度語（Hindi） 和烏都語 （Urdu）納入課程、為印度裔人士而設的學校！出資建立這所學校的，正是印度猶太裔慈善家艾理士嘉道理爵士（Sir Ellis Kadoorie）。 印度裔兒童教育　由女校男生開始 鵝翻查資料，印度裔人士在香港的教育史，可以用「自己學校自己建」來形容。早期香港不只華人教育欠奉，不同族裔的界線更壁壘分明。英童學校把印度裔學童拒諸門外，他們能夠入讀的學校非常有限。有見及此，政府終於在1916年接辦「掃桿埔育才書社」（Ellis Kadoorie S

熱浪逼人，行入銅鑼灣嘅石屎森林，體感溫度瞬間飆升。身為一隻極度怕熱嘅企鵝，出門在外最緊要嘅兩件事：避暑同搵水飲。唔想每次口渴都嘥錢買嘢飲，又想實踐減塑生活？ 帶埋你個水樽，跟住鵝嘅步伐，一齊優雅地喺銅鑼灣抗暑啦！ (◍ˊㅿˋ◍) 企鵝私心推介： 如果鵝友想解鎖更多附近嘅免費冷熱水機位置，強烈推薦下載「撲水 Water for Free」App！ 呢個 App 非常方便，一打開地圖就能夠一秒搜尋附近大大小小嘅免費加水站。無論身處香港邊一個角落，都可以做到「免費水機自救兼減廢」，一邊慳錢、一邊減少塑膠廢棄物，齊齊保護地球！ 嘎～～～

前幾日夏至，鵝睇完日落之後，沿住海旁往天后方向繼續行。行行吓，見到一座被鐵欄同綠色植物包圍嘅方形小屋，上面掛住塊閃令令嘅牌：「銅鑼灣食水賣水站」。 後生嘅鵝友可能會問：「食水賣水站？打開水龍頭就有水啦，點解仲要用『賣』嘅？」呢座由水務署設置嘅屋仔，多年嚟一直默默背負住重任，專門為海上面嘅船隻提供清涼嘅生活食水。 全港一共有七個食水售賣站，分布喺銅鑼灣、西灣河、西區、筲箕灣、荔枝角、油麻地、同屯門。七個賣水站入面，以銅鑼灣食水售賣站嘅歷史最悠久，喺1965年就啟用喇。以前買水嘅手續比較複雜，漁民同艇戶需要先到水務署嘅客戶諮詢中心，或者海事分處購買實體水票，然後先可以去岸邊嘅「食水售賣站」換取食水。依家除咗可以預先買「水票」，仲可以直接喺賣水站「嗶」八達通畀錢，即買即拎，方便好多呢！ (* ´ㅁ`*) 講返歷史，上世紀六、七十年代嘅避風塘，住滿晒「住家艇」嘅水上人。以前喺艇上煮飯、沖涼都要用淡水，淡水對佢哋嚟講係彌足珍貴，所以當時水上人會將買淡水叫做「上水」。因為咁，嗰陣仲衍生出「水艇」呢個行業，好似海上流動便利店咁，先喺岸邊買水，再去各家各戶艇邊跳

連日落雨，難得好天，鵝即刻上天台曬吓自己，同陽光玩遊戲～ 鵝留意到，天台有兩條窄長嘅柱，每條柱個頂再多一座「屋仔」，驟眼睇有啲似希臘神殿，之前都冇特別好奇。但望望吓，隔籬唐樓又有，對面唐樓又有喎。究竟呢啲神秘嘅柱係咩嚟㗎呢？有咩用途？ 鵝翻查屋企所在嘅唐樓平面圖，上面標明咗佢哋係煙囪！ 喺大半個世紀前，香港嘅一般市民係燒柴或者炭煮食嘅。嗰時未有抽油煙機，廢氣係經煙囪排出室外㗎！鵝屋企附近呢堆 50 年代起好嘅唐樓，好多都保留咗呢個建築特色。不過，而家喺室內，已經睇唔到灶台或者煙囪嘅痕跡喇。 鵝塞個頭埋去，觀察煙囪內嘅結構，發現佢哋係磚造嘅，而個窿深不見底⋯⋯鵝忽發奇想，跳入去會唔會好似 Super Mario 瓹水管咁，通往異世界呢？ (๑ ´ㅁ` )

上回講到，鵝去咗丹麥餅店覓食。不過身為一隻文青鵝，除咗飲飲食食，對眼好快就被餅店周圍幾組招牌吸引住。呢啲招牌喺現代冷冰冰嘅電腦字形年代，係極之珍貴嘅寶藏！ \( ᐙ )/ 第一站 加路連山道：北魏真書立體雲石字臺 字體風格：香港北魏真書 呢度嘅字筆畫好有氣勢，「丹」同「麥」字嘅起筆同收筆都有強烈嘅頓角，字形重心偏高，離遠望去有一種視覺衝擊力，係香港以前啲舊式招牌最常用嘅大字。招牌當年由專人將大理石（雲石）逐個字手雕同打磨，變成厚實嘅立體字再固定喺水泥牆上，充滿 70 年代手工嘅樸實感。本來丹麥餅店嘅轉角兩邊各有一面雲石招牌，可惜喺 2016 年其中一面因為太舊、有剝落危險而拆咗，依家留落嚟嘅呢一面，係非常非常珍貴㗎！ 第二站 禮頓道：木紋面料配紅色美術字 字體風格：美術合體字（隸書合體篆書） 根據《銅鑼灣字型散步》嘅研究，呢款字體風格截然不同，融合咗中文書法「隸書」同「篆書」嘅靈魂。字體帶有隸書嘅特徵，橫畫起筆圓圓地、收筆微微向上翹（好似「丹」同「店」字），同時「餅」字又加咗篆書嘅藝術感線條，整體感覺古色古香得來、既溫柔又穩重。好鵝友兼《銅鑼

各位鵝友平時行過銅鑼灣禮頓道同加路連山道交界，有冇聞到一陣超邪惡嘅油炸香味？ 今次鵝嘅覓食之旅，去咗一間始於 1971 年、已經開業 55 年嘅老字號：丹麥餅店（Danish Bakery）！雖然佢叫做「餅店」，但最受歡迎嘅烘焙食品，係即炸嘅豬扒包、雞髀同熱狗！ ( ´ ᗜ ` )ﾉ~ 「丹麥餅店老細係咪丹麥人啊？」 梗係唔係！鵝問過店家，原來改名「丹麥」，係因為呢兩個字夠晒好記！ 鵝大膽估計，喺丹麥開舖嘅 70 年代，香港唔少餐廳都鍾意以外國地名嚟命名，一方面貪佢夠晒入屋、容易記，另一方面可能都想迎合當時大家對「歐陸風情」（好似「丹麥」、「巴黎」、「維也納」咁）嘅追捧。但係喺骨子裏，丹麥餅店係一間超級地道嘅港式餅店！ 今次本鵝冒住個嘴仔被燙親嘅風險，試咗招牌名物豬扒包（HK$23）。佢個size仲大過鵝嘅肚腩！嚿餐包會先放上烤爐烘到表皮微脆，做到真正嘅外脆內軟。中間嚿炸豬扒，大塊之餘，仲帶點肉汁，配埋甜甜哋嘅特製沙律醬同番茄醬，平衡咗豬扒嘅油膩感，好好味啊！ 除咗食物，丹麥餅店位於由銅鑼灣地鐵站行去香港大球場嘅必經之路。每逢大球場有大型賽事（好

今日係 #姜濤 嘅27歲生日，一年一度嘅「#姜濤灣」盛況，唔止係追星活動咁簡單，已經變成香港嘅一個獨特文化景觀。等鵝帶大家喺現場直擊吓，今年姜誕有咩重點慶祝活動～ 最矚目嘅梗係「姜濤號」電車同埋「姜濤生日電車免費乘車日」！呢個傳統嚟到第五年，後援會依然好有心，請全港市民免費搭叮叮。成個姜濤灣都係打卡位，大家影相影到停唔到手呀！ (◍ˊㅿˋ◍) 鵝抬頭一望，由黃金廣場、金百利到銅鑼灣地帶，鋪天蓋地都係巨型海報同電子廣告。鵝最佩服嘅係廣告商嘅創意 Marketing 手法，用「姜糖 蜜不可分」呢句口號，將糖果產品同粉絲嘅熱情完美融合，互惠互利。除咗街頭應援，今年皇室堡仲設有美式復古百老匯主題展覽【The Keung’s Show】，精美到連路人都會嘩一聲呀！ ٩(●˙▽˙●)۶ 今日人山人海，見到大家咁齊心撐偶像，嗰份氛圍真係好感染到鵝～ 提醒大家，打卡之餘記得注意安全啊！

又話說，三C會戰後嘅主席布達勞上校 （Colonel Henrique Alberto de Barros Botelho），曾投身皇家香港防衛軍（Royal Hong Kong Defence Force），即後來嘅皇家香港軍團（義勇軍）（Royal Hong Kong Regiment (The Volunteers)），而軍團總部其實就位於體育道1號！ 但隨住軍團於1995年解散，原址建築亦於同年拆卸，地皮就交予香港賽馬會及紀利華木球會使用喇。

上回提到，三C會喺20世紀初獲得撥地，於1902年喺黃泥涌遊樂場 (Wong-Nei-Chong Recreation Ground) 落戶，即現今會址嘅位置。 企鵝查到，得三C會可以日日使用嗰塊地～因為土地問題，好多木球會，例如皇仁書院木球會、YMCA木球會同曲棍球會三個會，就要輪流使用同一幅地嘅其中一個分區 ；而聖約翰書院木球會、公務員組成嘅木球會則使用另一個小區。 但無論邊個球會，喺有需要嘅情況下，都要喺星期一二四五讓路予陸軍同海軍操練至下午1點。估唔到當年銅鑼灣可以睇到操兵！

行經銅鑼灣運動場外，散步鵝忽然聞到一股甜甜嘅香氣，有啲似蜜糖，又有啲似棉花糖，仲有啲奶香⋯⋯ 一瞬間，令鵝忘記咗自己置身喺車水馬龍嘅高士威道。 (๑´ㅁ`) 搵搵香氣嘅來源先！原來跑道旁種咗一排桂花，正開緊細細粒嘅淡黃小花～ 桂花，學名 𝘖𝘴𝘮𝘢𝘯𝘵𝘩𝘶𝘴 𝘧𝘳𝘢𝘨𝘳𝘢𝘯𝘴。前面嘅屬名 𝘖𝘴𝘮𝘢𝘯𝘵𝘩𝘶𝘴 係解「芳香嘅花」。後面嘅種小名 𝘧𝘳𝘢𝘨𝘳𝘢𝘯𝘴 睇落咁似英文嘅 fragrance，都係解香氣喎。香上加香，強調桂花香氣馥郁濃厚咁話～ 話說Osmanthus咁啱都以「鵝」開頭，鵝同桂花頗有緣份呢！ ଘ (੭ ˊᵕˋ ) ੭ ੈ✩‧₊˚