銅鑼灣A-Z｜C for Central Library

C for …… Central Library!

鵝友可能都去過位於銅鑼灣嘅香港中央圖書館，但你哋又知唔知道呢座「知識殿堂」背後嘅故事？

呢座淡黃麻石外牆、拱門入口，仲混合咗仿希臘柱同文藝復興式窗戶嘅建築，自 2001 年啟用以來，已經成為銅鑼灣嘅日常景觀。不過喺 1990 年代設計大樓嗰陣，曾經因為佢嘅建築風格問題鬧出陣陣風波！雖然當年爭議不斷，但 20 多年過去，呢度早已融入香港人嘅生活，成為大家沉浸書海、陪伴大家成長嘅空間。

٩(・Θ・)۶

鵝之前都分享過更多關於中央圖書館嘅建築美學細節，仲有搜集用家嘅故事～未睇或者想溫故知新嘅鵝友，記得 click 入去重溫返喇！

✃┄┄✁┄┄✃┄┄✁┄┄✃

銅鑼灣 A-Z

✃┄┄✁┄┄✃┄┄✁┄┄✃

受英國具代表性嘅街道地圖集《Geographers' A–Z Street Atlas》（利用 A 到 Z 排序索引，讓人在幾秒之內精準查出任何街道網格）以及日本「半農半 X」倡導者鹽見直紀嘅「A to Z」社區觀察法啟發，鵝今次以 26 個英文字母為索引，由 A 到 Z 逐一拆解，帶住一班「鵝友」全方位探索銅鑼灣呢個集摩天商場、歷史古蹟同綠意自然於一身嘅繁華社區！