鵝的散步地圖：行人天橋系列

最近鵝睇咗建築師胡漢傑同城市設計師陳智峰合著嘅《天空之城：香港行人天橋的觀察與想像》，腦波一弱（呀～～係靈感大發！），書中深入梳理咗天橋呢套高架系統嘅歷史脈絡同都市角色。

原來傳統上「橋」嘅意義係用來跨越河流山谷等天然屏障。來到現代，都市人為咗實現人車分隔，建造現代嘅天橋結構，一種讓人同車各自避開障礙、順暢運作嘅立體道路。根據香港路政署數據顯示，香港呢座「千橋之城」已經生出超過1,000條行人天橋同埋逾560條行人隧道！由一開始單獨建成嘅過路設施，到依家串聯各大商場同平台嘅高架步行網絡，大家日日喺城市半空中捐嚟捐去，唔使日曬雨淋，又唔使人車爭路。不知不覺間，天橋重塑咗我哋對街道、公共空間嘅步行方式以及觀看城市嘅視角。

不過，正如書中提問，築橋真係城市發展嘅良方妙策嗎？近年新市鎮如天水圍北、將軍澳等，一道道天橋連接民居、商場和車站，方便背後亦有可能削弱咗公共空間，令街道失去活力。當行人都被引導至半空嘅流通管道時，地面街道嘅商業活動與人際連結，又係咪會隨之被架空呢？

٩(●˙▽˙●)۶

鵝決定放低本書，親自帶大家去銅鑼灣街頭同半空俯瞰，將呢啲都市理論化為最生動嘅散步考察！