字牌時光漫步
- 銅鑼灣企鵝
- 7月9日
- 讀畢需時 1 分鐘
鵝最近行嚟行去，苦惱緊應該同鵝友分享銅鑼灣趣事～抬頭望，林林種種嘅字牌映入眼簾，鵝即刻打電話問功課，打左畀鵝友兼設計師Forrest Lau。佢一接到電話，就同鵝講個好消息：原來《銅鑼灣字型散步》小誌增訂版面世啦！
入面分別有一份地圖、一份解說，涵蓋 72 個點，為咗呢本小誌，佢大大話話行咗五、六次銅鑼灣，反覆研究，包括字牌所在位置、字型、年代、材質等等。
Forrest 好快拎咗一本小誌送畀鵝，鵝拎住份小誌，每行到一個點都駐足停留，每個字牌都流露歲月痕跡，有 60 年流行嘅石字牌坊，亦有千禧年代嘅數位字體，鵝足足行咗兩日先睇曬地圖上嘅字牌，好似行咗一次時光隧道咁。字牌撈飯，正啊！
鵝仲同 Forrest 傾咗好耐計～遲吓再同鵝友們分享佢嘅故事啦。
留言