360度睇銅鑼灣？

鵝住喺銅鑼灣，一向鍾意收藏講述屋企歷史嘅書籍，閒時最鍾意同鵝友傾吓歷史～近日香港城市大學「城市景昔」計劃研究團隊主動聯絡鵝，介紹佢哋嘅計劃呢。

 (・Θ・)

研究團隊成員Mike同鵝分享，「城市景昔」係一個文化旅遊計劃，喺2021年推出咗手機應用程式同埋網頁版本，用擴增實景（AR）同埋多媒體技術，將本地藝術家根據歷史資料創作嘅畫作，拼湊出歷史全景圖像。

研究團隊成員先喺本地同海外圖書館搵舊香港照片，再訪問老一代香港人，搵口述歷史，重現部分香港地區，特別喺旅遊區嘅全景。

٩(ˊ〇ˋ*)و

佢哋啱啱喺2月份推出咗有關銅鑼灣及大坑有關嘅內容添啊，例如銅鑼灣避風塘，仲有中華火車糖局（即依家皇室堡一帶）嘅歷史故事！

(っ˘▽˘)(˘▽˘)˘▽˘ς)

鵝即刻打開部電腦睇睇先點玩先，360度全景對比新、舊圖像，或者撳「i」字，睇吓歷史地標嘅資訊。

睇嚟下次散步又多樣嘢玩！拎埋電話，試用下佢哋嘅手機app，比啲想像力，感受下當年嘅舊面貌～

( •ө•)

#企鵝散步見聞

#銅鑼灣歷史