銅鑼灣嘅公共舞台

上回提到，唔少舞團都會嚟到銅鑼灣取景，鐘意呢到五光十色，氣氛輕鬆。其實除咗記利佐治街，舞者們都會去百德新街行人專用區、銅鑼灣嘅維園入口一帶空地練舞、交流。

鵝嘗試「考古」，喺社交網站搵到最早喺銅鑼灣拍 Kpop Cover 嘅片喺 2017 年，一個帳戶名為 jeonsann 嘅舞者上載咗佢喺百德新街拍攝嘅作品。

鵝有理由相信，就係咁一傳十十傳百，慢慢銅鑼灣就變成 Kpop 跳舞嘅拍片勝地！