銅鑼灣嘅極速傳說

午飯過後，鵝恰眼訓⋯⋯不過望一望自己個肚腩，嗯⋯⋯都係出去行返個轉先。又熱又曬，由屋企散步到紅隧入口處休憩花園，就嚟中暑之際，嘩！正啊，搵到遮蔭位。

(≖ᴗ≖๑)

嗡嗡⋯⋯嗡嗡⋯⋯耳邊傳嚟摩打運轉時嘅聲音，幾架色彩繽紛嘅模型車係跑道上風馳電掣，頭搖又尾擺，轉彎俐落、直路加速，鵝金睛火眼都追唔切呢～

Σ(ﾟдﾟ)

模型車愛好者強哥同其他車友逢星期五都會聚埋一齊，互相切磋較量之餘，仲交流最新模型車情報。鵝聽到另一位車友好開心咁話，啱啱買咗新零件砌咗一部同世界冠軍一樣嘅配置，準備去一試身手。鵝嗱嗱飄移到車場入面，就算睇唔切架車經過，都感受到陣風，好犀利！

(๑╹◡╹๑)

依家香港有四個公眾模型車場，面積嚟講，銅鑼灣呢個算最細，適合體積較細嘅模型車。想去觀摩嘅鵝友記住，模型車場逢星期一朝早 8 點至晏晝 1 點暫停開放，唔好摸門釘啦～

相關文章