六款新明信片

新一輪企鵝postcard出爐喇！！

今次都係有六款鵝，唔同地方、唔同場景，展露咗鵝嘅唔同個性，任君選擇～

(੭ु ´ ᐜ ` ) ੭ु ⁾⁾

➀「鵝比花嬌」：一到春天，鵝梗要去維園 賞花。錦繡杜鵑嘅花瓣係淡粉色，襯晒鵝嘅面珠墩呢，嘻嘻。

➁「鵝入虎口」：全世界應該得少數生物見識過虎豹別墅 外隻老虎口中嘅景色，勇者鵝無畏無懼！

➂「忍者鵝」：為咗跟蹤住維園嘅小葵花鳳頭鸚鵡，鵝使用扮樹之術，個頭頂住樹枝緩緩靠近佢哋，顯示咗驚人嘅耐性⋯⋯

➃「鵝版黃金入球」：企喺香港大球場 嘅草地上，鵝實在激動到涕淚縱橫，忍唔住唱：「對付鵝 攔截鵝 還是破網哨子聲吹走風霜／將鵝領土 九十分鐘裡儘量擴張」～熱血沸騰啊！！！

➄「若你喜歡趣怪鵝」：久居市區，鵝偶爾都會上山尋幽探秘。大坑三怪亭，一個比一個怪，怪得嚟又有啲美啵。

➅「鵝之感恩時間」：舊年秋天，鵝擺咗第一個個展，回顧咗好多喺銅鑼灣眈天望地嘅小故事。好多謝每位前來支持鵝嘅讀者同鵝友，鵝會繼續努力～

✧。٩( ˊ ᗜ ˋ )و✧。