銅鑼灣避風塘今昔

鵝不時會去政府檔案處，搵吓銅鑼灣一帶嘅舊相～畀鵝搵到一張 1951 年影落嘅銅鑼灣避風塘，相中有小朋友同婦女喺岸邊，因為黑白相嘅緣故，鵝只見後面停泊多艘船隻，唔確定具體位置。

(•ө•)

其實銅鑼灣道原本係銅鑼灣嘅天然海岸線。根據「香港舊照片」記載，早喺 1883 年，政府喺銅鑼灣道北面第一次填海，並喺高士威道海堤對出嘅海灣修建避風塘。直到 1950 年代，因為人口增加，康體設施供不應求，政府再次填海，原本避風塘位置就興建咗維多利亞公園，新嘅避風塘就喺今日維園道對出啦～

喺維園道避風塘，眺望出去，雖然景色已經完全唔同，唯一不變係，仍然有好多船隻泊岸。

鵝吹下海風，好舒服呢～

(*´∀`)~