謎之樹苗辨別事件

喺棉花路同東院道交界，原來一眼可以睇到某種樹嘅生長過程！

喺掃桿埔一帶，鵝發現無論係 #苦楝、 #蒲葵 定 #石栗 下面，都有好多棵啱啱出世嘅幼苗。雖然鵝自稱「樹木小百科」，但都唔係好認得出佢哋係咩樹嘅苗，需要啲時間查查案。

仔細睇，嗰到有幾粒爆開咗嘅 #木棉 果實，仲有一堆分解緊嘅 #棉絮，而樹苗就啱啱生咗係側邊⋯⋯

(-□д□-)✧

哦！真相大白，佢哋係木棉嘅幼苗！睇晒由果實到幼苗嘅整個過程，Amazing～

木棉嘅幼苗為咗生得快啲，會生啲簡單兼耗能少嘅單葉（一柄一葉），之後大大吓就會變做掌狀複葉，一條葉柄生出幾塊小葉，好似隻手掌咁，吸收更多嘅陽光變化成營養。

平時見到嘅木棉好高大㗎嘛，好少見到木棉BB。佢哋得鵝掌咁高㗎咋，好幼嫩呢。

#企鵝散步見聞

#眈天望地