紐西蘭嘅企鵝化石

鵝以前有提過，加拉巴哥企鵝係少數唔怕熱既企鵝～大部分都要喺極地生活。不過，有一班科學家喺紐西蘭塔拉納基海岸發現咗一隻巨型古企鵝化石，佢哋將化石拎去研究，發現原來企鵝曾經喺溫暖嘅地方生活，只係隨住生物演變，大部分企鵝先至喺極地生活咋。

今次研究由美國嘅布魯斯博物館（Bruce Museum），同埋紐西蘭坎特伯里博物館（Canterbury Museum）嘅團隊一齊合作。企鵝化石相信係生存喺大約 300 萬年前，屬於一種未知嘅企鵝種類。這種古代巨企鵝比皇帝企鵝更高、更重，佢喺溫暖的海岸中生長，當時水溫高達攝氏20°C！

(*´・д・)?

不過，呢種巨型企鵝喺 260 萬年前已經冇晒。因為除咗氣候改變，都仲有好多其他因素影響企鵝們能唔能夠繼續生存，例如食物鏈嘅變化、其他海洋生物嘅情況，以至整個生態系統等等。

鵝平時喺銅鑼灣，夏天可以去到 30 幾度㗎，雖然好熱，但仲生存到！忽發其想，唔通佢哋就係鵝嘅祖先？！

(*´∀`)~♡