當年銅鑼灣可以睇到操兵！

上回提到，三C會喺20世紀初獲得撥地，於1902年喺黃泥涌遊樂場 (Wong-Nei-Chong Recreation Ground) 落戶，即現今會址嘅位置。

企鵝查到，得三C會可以日日使用嗰塊地～因為土地問題，好多木球會，例如皇仁書院木球會、YMCA木球會同曲棍球會三個會，就要輪流使用同一幅地嘅其中一個分區 ；而聖約翰書院木球會、公務員組成嘅木球會則使用另一個小區。

但無論邊個球會，喺有需要嘅情況下，都要喺星期一二四五讓路予陸軍同海軍操練至下午1點。估唔到當年銅鑼灣可以睇到操兵！