文具鋪尋寶記

唔知大家有幾耐冇行過文具鋪呢？

等鵝即刻考下鵝友們，知唔知相入面嘅文具係咩嚟先？（答案喺文章最尾！）

(˶ˊꇴˋو(و ⁾⁾

係咪好熟口面呢？唔知咁多位鵝友有冇曾經用過呢？呢啲其實係香港嘅舊式文具，通常要去傳統文具鋪先會搵到。

銅鑼灣街坊都知道嘅文具鋪，一定有禮頓道嘅大志文具呢個名。大志雖然無華生咁長歷史，但自 1996 年已係銅鑼灣開業，至今已經 30 年啦！

經歷過兩次搬舖，不過一直都開喺學校附近，所以放學時間鋪頭迫滿買文具嘅同學仔。

同香港唔少店鋪一樣，大志都面對租金壓力s，老闆娘之一嘅 Candy So 話，三年前業主要求大幅加租，嗰陣時已經諗住執笠唔撈！點知真係咁啱得咁橋，禮信大廈有位業主肯平租畀佢哋，Candy 姐同拍檔又繼續做落去啦。

鵝覺得舊式文具鋪都真係幾好行㗎，每次都好似尋寶咁。雖然無精品、公仔，但文具款式古靈精怪，多到你想像唔到，總有一款啱你心水。

下次如果有時間，不如去下你身邊嘅舊式文具鋪～行一個圈，可能會搵到心頭好呢～

(◍´͈ ᵕ `͈ ◍)

登登登登～！開估啦！�

圖2：塗改液

圖3：漿糊仔

圖4：中華牌鉛筆

圖5：沙膠

圖6：裡面穿窿嘅摺疊間尺

圖7：㩒個掣好多嘢彈出嚟嘅多功能鉛筆盒

P.s.：大志文具入面隻家貓「豆豆」，其實係前面間士多舖新天然辦館嘅貓店主嚟㗎～

Candy 姐話豆豆已經捉晒啲附近啲米老鼠，而家專登入嚟歎冷氣做主子。愛貓嘅Candy 姐，仲特登攞啲暖氈整咗張床俾豆豆㖭！

ฅ^•ω•^ฅ