地上嘅栗子蛋糕

屬棕櫚科嘅 #大王椰子，又名 #王棕，樹幹粗壯、姿態雄偉，係香港常見嘅行道樹。但喺銅鑼灣嘅路邊唔算多，主要集中種喺 #維園。佢哋生到廿米、卅米咁高，鵝往往岳到頸都痠埋，或者出動望遠鏡，先至觀察到佢哋嘅葉、花同埋果實。

不過咁，眈得天多，又可以望吓地吖！

大王椰子嘅樹幹基部，有好多層外露嘅不定根。佢哋不愧係大王，隨便行近一棵睇，啲根已經輕易高過鵝嚕。

深深淺淺嘅啡色根一層層疊埋，成個 #栗子蛋糕 咁，搞到食飽飽嘅鵝都差啲偷咬一啖（人類請勿模仿）～

(っ˘ڡ˘ς)

#企鵝散步見聞