再見根記

鵝收到消息，位於 #鵝頸橋 熟食中心，開業超過40年嘅 #根記健康素食 將會喺明天光榮結業，不過周日係例休，所以最後營業日喺今日啊！

（；へ：）

鵝噚日午飯時間去咗幫襯，炒菜心、煮蘿蔔、蕃茄煮茄子、粉絲炒椰菜、腐皮卷。根記每日嘅餸菜都係按當日喺街市買到嘅餸而決定，冇用名貴食材，反而札實哋煮清雅素食，每一口都係食材原味，配埋素湯，鵝食完身體感覺更加輕省。

（´▽`)

鵝臨走同店主范太太打聲招呼，佢已經喺100歲人瑞啦！非常精靈，笑容滿面，決定呢個時候退休，光榮結業，希望好好休息。

今日喺根記最後營業日，正如根記臨別之言：聚有時，散有時，鵝都慶幸曾經品嚐過佢哋嘅素菜，多謝晒～

#鵝散步見聞

#素食地圖