銅鑼灣「名勝」

講到銅鑼灣，大家第一時間諗起咩？日資百貨集中地、流行歌詞成日提到嘅地標──時代廣場、黃金廣場，仲有唔少得嘅鵝屋企啦～

(๑´ㅂ`๑)

香港人對銅鑼灣都有自己嘅一套認識同理解，咁啱啱嚟到呢度嘅人，又會點樣睇銅鑼灣呢？企鵝近來去利舞臺一帶散步，發現波斯富街舊時香河舖位對出，有個空置嘅報紙檔，成日都有人係嗰度影相！有時係一兩個人，有時係三五成群，有啲時候仲要大排長龍添！

( •ө•)

鵝返屋企搵資料，睇吓報紙檔有咩來頭⋯⋯點知搵唔到！於是膽粗粗問吓打卡嘅遊客～原來，呢度係著名嘅遊客打卡勝地，仲係其中一個香港打卡必到熱點，好多人同報紙檔影完相，就會放上社交媒體吸吓 likes。

鵝繼續周圍貢，發現怡和街近渣甸坊嘅馬路邊，都有唔少人用祟光百貨做背景影相，銅鑼灣避風塘同樣聚左唔少人喺到影日落。

ヽ(‘ ∇‘ )ノ

計鵝話，最美的風景是人，銅鑼灣除咗靚景，其實仲有好多值得發掘嘅社區故事！鵝不停諗有咩故仔同鵝友分享時，唔小心諗到日落黃昏～係時候食晚飯啦！

#企鵝散步見聞

#銅鑼灣靚景