企鵝熱辣辣

鵝唔怕熱，平時鐘意陽光普照時四圍貢去散步，不過唔淨止鵝，仲有少數企鵝唔怕熱㗎，其中一種就係加拉巴哥企鵝啦～

根據國家地理雜誌嘅資料，佢哋係唯一生活喺赤道嘅企鵝，平時用喘氣嚟調節體溫，脂肪層比大多數企鵝薄，羽毛都少啲呢～行步路都輕盈啲。為咗對抗炎熱，會伸展鰭肢嚟散熱，亦會透過拱背去幫雙腳同埋其他裸露嘅皮膚遮蔽陽光。

／/( ◕‿‿◕ )＼

加拉巴哥企鵝會喺加拉巴哥群島上嘅陰涼裂隙上築巢，躲避高溫之餘，亦可以避過捕食者，不過，避得過捕食者，都避唔過全球暖化、過度捕撈、環境污染等，令佢地同全球超過一半嘅企鵝物種一樣，成為瀕危物種。

( ´•̥̥̥ω•̥̥̥` )

除咗加拉巴哥企鵝，鵝友仲有會唔會想認識多啲其他品種嘅企鵝呢？可以同鵝講，下次再分享～

相關文章