公園裏的冇掩雀籠

雨後散步，發現巨型冇掩雀籠一個，就喺 #禮頓山公眾休閒公園 入面！

公園位於 #黃泥涌道 上、 #禮頓山社區會堂 旁，係 #公共空間 來㗎，24小時對公眾開放。面積約兩千平方米，查實係 #官地 。

大家唔為意呢個公園嘅存在，好可能因為公園入口嘅建築風格同鄰近嘅豪宅 #禮頓山 一致，加上大閘時常虛掩，其實推開度閘就行得入去㗎啦～

點解會咁？

事關呢個公園 & 隔籬嘅社區會堂，都同樣由同私人屋苑嗰個發展商起，即係新鴻基。呢類同私人發展項目掛勾嘅公眾設施之所以出現，係因為政府喺賣地、批地 or 同發展商換地時，因應整體規劃、公眾需求，而要求發展商設立。

鵝用「私人發展項目掛勾嘅公眾設施」呢個咁繞口嘅講法，係因為有啲設施位於官地，有啲就屬私人業權範圍，要搞清楚業權，大家不妨參考政府嘅地理資訊地圖，至於點用⋯⋯摸索吓啦！

但無論係官地定私家地，呢類空間都要開放俾公眾使用，地契或公契有列明。

禮頓山公眾休閒公園就要 24 小時開放嘅，入面好多植物，都有啲櫈可以坐吓嘅。

都係嗰句，度閘虛掩㗎咋，推開就入得㗎喇！

#可能因為上次落完雨真係好多蚊

#餵蚊算係行善布施?

#企鵝散步見聞