鵝係銅鑼灣 KOL？！

「鵝咁鐘意食魚，有無喺銅鑼灣釣過魚？」、「鵝喺銅鑼灣留低咗咁多鵝毛，最深刻係咩故事？」⋯⋯鵝喺之前去咗保良局文物博物館，為「銅」創地圖：青年社區導賞員計劃嘅參加者分享散步見聞，除咗鵝一輪嘴分享之外，在場參加者都對鵝嘅事情都十分好奇，爭相發問。

(*´▽`*)

鵝由歷史學者丁新豹喺60年代初嘅銅鑼灣，見到有牛奶公司冰廠員工帶企鵝散步嘅故事講起，講到今日喺銅鑼灣遇到嘅鵝友、動植物、空間、日常，以及企鵝冷知識，有埋人類助手翻譯鵝語，短短兩個鐘真係唔夠講呢～

σ(´∀｀*)

在此，要特別多謝保良局文物博物館嘅邀請，等鵝有機會扮做銅鑼灣 KOL，分享社區營造嘅構想！大滿足～

#企鵝散步見聞

#社區營造