銅鑼灣即係邊度？
每個人心中都有一個銅鑼灣，地標各異，界限也不一定相同。我們為一個地方所劃的界線，大抵跟生活習慣有關。
銅鑼灣60年老街坊丁新豹的銅鑼灣又在哪裡呢？
「大坑一定唔係啦！嗰度又冇腸粉食！我細個從來唔會去嗰頭。」愛吃腸粉的丁公說。他腦內有個全港九腸粉地圖，以腸粉檔為座標，但許多已不復存在，如童年時他最愛的百德新街車仔檔，以及舊電車廠旁邊的大排檔。
「樂聲、豪華一路轉落希雲街，賣熱狗嘅丹麥餅店都係銅鑼灣。以前去大球場睇波前，最鍾意食件熱狗至入場。大球場、南華會都算係銅鑼灣！」
幾間戲院 半個維園
樂聲、豪華都指戲院，丁新豹自小就常常跟媽媽去看戲，看西片也看國語片。兩間戲院位於 #怡和街 兩側，前者於1930年代建成，至1970年代拆卸，建成 #樂聲大廈，至2018年才有戲院重新進駐，即現時的Cinema City Victoria；#豪華戲院 則建於1950年代，至1980年代末拆卸，重建成為 #百利保廣場，該址現稱為「怡和街68號」。
至於大球場和南華會，地理上其實比大坑更南。那麼以西的跑馬地，又算不算銅鑼灣呢？
「跑馬地係跑馬地，唔算銅鑼灣。利舞臺當然算，掃上去軒尼絲道紐約戲院係銅鑼灣，但過咗堅拿道已算灣仔。成避風塘都係銅鑼灣，維園嘅話⋯⋯算半個啦！」
企鵝疑惑了，那另一半維園算是哪裡呢？算是天后或炮台山嗎？
「冇天后呢個concept㗎喎，嗰度算係北角！」丁公說。
那麼，皇仁書院又位於哪裡呢？
「皇仁唔關我事！」丁公樂呵呵說：「我又唔係讀皇仁！我讀St Joseph’s 㗎嘛，所以我英文名都叫Joseph。」
丁公又補充說，1960年搬到百德新街華廈大廈起，這一帶已稱為銅鑼灣，#東角 此一地名則很少用到，因自開埠以來，那突出的海角兩旁歷多次填海，前稱為 #燈籠洲 的 #奇力島，也早建成海堤跟香港島連成一體。
以上地方的故事，我們以後還會談到。
你的銅鑼灣，又包括哪些地方？