top of page

祛濕茶

呢幾日極潮濕,好多鵝友猛話濕到牆壁、地板都標埋水,好苦惱。雖然鵝一直熟水性,但喺銅鑼灣住咗咁多年,似乎又越來越似香港人,濕得滯會易攰⋯⋯


o((⊙﹏⊙))o.


不如試吓飲 #祛濕茶


吖,不如試埋自己煲~


都話銅鑼灣買乜都易,鵝早兩日就喺 #圓形天橋 附近嘅藥房中僑藥業,買咗包祛濕料,裡面有:燈芯花、蓮蓬、木棉花、扁豆、生薏米、爆薏米、荷葉同川太。


今日諗住開爐煲之際,驚覺忘記問點煲,真係大頭鵝,所以鵝又行返落去問點煲。


師傅話,當涼茶咁飲嘅話,就加啲片糖、六至七碗水,煲45分鐘。


煲湯嘅話,就加啲豬肉、黃瓜或冬瓜,煲一至兩個鐘。


鵝戒糖,又唔食肉,結果都係就咁煲,煲嘅時候聞到好香嘅荷葉味呢~


第一啖覺得有啲苦澀,㗳真啲就有朕薏米味。請埋鵝友飲,鵝友話有少少揦脷,但溝啲水就好飲好多,可能下次落多啲水煲會好啲?


聽講飲袪濕茶可以健脾,鵝同鵝友都添飲,之後似乎冇咁攰,又可以去散步啦。


ความคิดเห็น


bottom of page