top of page

姜濤灣

#姜誕 近了, #姜濤灣 嘅歡樂氣氛亦越來越濃~


同往年一樣,4月30日 #姜濤 生日正日,後援會安排 #全日免費任搭叮叮 大家都可以免費搭電車,全日唔限次數,相信到時一定好熱鬧。


- ̗̀ ( ˶'ᵕ'˶) ̖́-


鵝仲聽講,#銅鑼灣電車總站 亦將設有應援打卡位俾fans影相。不過,大家記得注意安全,咪塞行人通道呀!


無論係本地歌手定係K-pop、泰國BL劇偶像推出新作品,fans總會落力宣傳,出錢出力,親力親為製作應援物品,又會喺商廈外牆、車站燈箱等當眼處落廣告。


呢類應援品製作之精美,令鵝好奇,點解啲相片咁高解像度咁靚?睇真啲,有啲仲要係劇照來嘅添,唔怕侵犯版權咩?


似乎確係唔使怕。環顧東亞各國,好多應援都係咁做。好多時 fans 會借用官方相片,加上自行後製,所整出來嘅應援物,多數免費派發,幫偶像衝人氣。


除咗製作應援品,fans亦會各司其職,狂loop 單曲 & MV,增加流量,亦會自行為劇集、MV翻譯成多語言嘅字幕,喺網上增加偶像嘅市場價值。


而各娛樂廠牌樂見其成,所以都會默許呢類官方相片嘅靈活運用,都算係互惠互利。


Fan labour唔單止係對偶像示愛,亦係fans之間加強連結嘅方式。


大家聽日親身來一趟 #銅鑼灣 就會明。成個銅鑼灣,尤其幾個大廣告牌附近,就算本身唔相識,亦會互相幫助影相,交流吓情報~


Kommentare


bottom of page