黃花風鈴木

3月13日

呢幾日天氣潮濕又落雨，鵝坐到無晒心機，落去維園散下心先！

離遠睇，咦！有黃色嘅花⋯⋯唔通？

ヽ( ° ▽°)ノ

果然無估錯，原來真係 #黃花風鈴木，仲見到有紅耳鵯喺到食緊花瓣。

黃花風鈴木通常喺香港嘅 3 月開花，開花時花葉不相見，花嘅形狀就好似風鈴，盛放時一球球金黃色花高掛枝頭，鵝真係覺得賞心悅目。就算喺回南天都覺得心情好返晒，過返個開心星期六！

近年維園都種多咗黃花風鈴木，不過鵝提返咁多位鵝友，佢哋花期都好短，為時約一至兩個禮拜，要記得快啲去睇啦！

ᕦ(ò_óˇ)ᕤ

相關文章