愛食酥皮嘅麻雀

原來 #Bakehouse 同埋Pie & Tart附近，經常有麻雀埋伏，伺機出動食酥皮！

人類助手某次去買Bakehouse #蛋撻 嗰陣，無意中發現三隻可愛又為食嘅 #麻雀，企喺Bakehouse嘅簷篷上，𥄫住佢手上嘅蛋撻。

佢哋好醒㗎！仲識得圍住即場食蛋撻嘅人類。只要鬆脆嘅 #酥皮 一跌落地，啲麻雀就會即刻飛落來啄啄啄。助手飛上圖書館講講講，叫鵝擸埋望遠鏡、簿仔去觀察吓呢幾隻小可愛。

((( o (ﾟ▽ﾟ) o )))

根據鵝近三個星期嘅觀察，逢晏晝三點到五點，一行三雀就會從Bakehouse旁邊後巷出擊，跳跳紮咁，沿住水管跳到Bakehouse嘅門口。

居於城市嘅麻雀係雜食性嘅，除咗會食種子同蟲蟲之外，仲會食人類嘅食物殘渣。鵝諗，麻雀應該覺得Bakehouse嘅酥皮特別好味，人類識歎下午茶，佢哋都唔執輸。

食飽飽，三隻麻雀就齊齊飛返入後巷～

(◔ ⊖ ◔)ゞ

喺渣甸坊嘅Pie & Tart前面，都有見過幾隻麻雀搵食，但就唔知係咪同一堆喇。

#企鵝散步見聞