企鵝嘅精神老祖宗《 #莊子 》書入面有個故仔，相信考過A-level中國文學科，或2018年後DSE中文科嘅朋友都讀過，講某日惠子又同莊子鬥嘴，惠子話自己有棵樹，叫做樗，大大棵但岩岩巉巉，歪來歪斜，即使生喺路中央，木匠亦眼尾都唔睄吓，意味呢棵樹實屬廢柴，無法用來做傢俱、樑柱或船隻，大而無用，一如莊子講嘅嘢咁趕客！
莊子就話喇（大概得戚地），你有棵大樹，使乜擔心無用呢？何不將棵樹種喺nowhere，然後好逍遙咁喺樹底躺平？既然棵樹無埞用得著，你亦唔使擔心棵樹俾人斬咗冇埞hea啦！
兜一大個圈，鵝其實想講，銅鑼灣路中心都有個類似樗樹嘅物體，就係怡和街尾嘅圓形天橋。有人嫌佢樣衰阻碇廢，亦有人（或鵝），十分享受喺橋上散步、吹風、睇樹、睇雀、睇電車、睇人潮。
甚至可以話，喺企鵝心目中，#圓形天橋 係銅鑼灣最iconic嘅地標，係銅鑼灣嘅大門口。
然後間唔中，當好多嘢都被拆走被消失，無論因為安全或任何理由，企鵝會擔心，話唔埋有人圓形天橋都會消失，咁就弊傢伙。喺噩夢成真前，鵝想好好認識圓形天橋，勢估唔到竟然踏上一段不斷撞牆嘅fact-check馬拉松，發現一籃子錯誤資訊。熱愛fact-check如鵝，也check到懷疑鵝生……
以下指出現存資料錯誤處，僅為訂正，無意冒犯，亦唔係搵交嗌或撩交打啊！
（頭盔mode完畢。）
（終於入正題。）
__________________________________________________________________________________
想知鵝仲有咩講，快啲買返本《銅鑼灣企鵝——散步遊記》
(╭￣3￣)╭♡
Comments